insaniyat sisak rahi rahi hai

Aaj duniya mein insaniyat sisak rahi rahi hai Charon janib qatl o gharat-gari zulm o tshaddud ka xor hai Izzaten nilaam ho rahi hain Masoom bachche khwateen naujawan zaeef koi bhi mehfoz nahii Sisakti insaniyat ko agar aaj koi panah mil sakti hai To sirf aur sirf Allah ki aakhri kitaab Quran e hakeem ki taleemat ke zer e saya hi insaniyat ko chain o sukoon mil sakta hai Islam hi wo wahid rasta hai jo kul qayenaat ke liye nijaat ka zariya hai Islam Apna role kese adaa kare? Islam Apna role us waqt tak adaa nahii kar sakta Jab tak wo ek munazzam society (muashrey) ki shakal mein khud ko pesh na kare.. Tamam Muslim aqwaam ko ek ummat ban k Islamic talimaat ke mutabik yani Quran aur seerat e Muhammad s A wasallam ki raushni mein Apne shab o roz ke masayel ko hall karne ki jadd o jahed karna hogi.. Ummat e Muhammadiya ka wajood maujooda daur mein kahiin nazar nahi aata Musalman qaumen nazar aati hain Maujooda daur mein qaum mulk rang nasal aur Zuban (language) ki buniyad par qayam hain... Aaj Musalman hain koi Arbi Musalman Koi hindi Musalman koi sindhi Musalman koi pakhtoon Musalman koi Iranian Musalman koi Egyptian Musalman koi Punjabi Musalman koi sayyad Musalman koi pathan Musalman koi mughal etc etc Muslim ummat ka wajood hai bhi kahiin Quran ne Musalmano ki jamiat k liye ummat ka lafz istemal kiya Ummat banti hai ek Allah par uske Rasool s A wasallam par uski kitaab par eimaan o yaqeen se Phir koi kisi b mulk qaum rang ya nasal ka ho wo ek barabar hai ummat ke afraad ki yaksan zimmedari yaksan huqooq hotey hain Magar afsos sad afsos aaj Beshumar Muslim qaumen nazar aati hain... Magar ummat e muhammadiya s A wasallam ka wjood nazar nahi aata.. Agar aaj islam ko dobara duniya mein wo kirdaar adaa karna hai jiski muntazir kul insaniyat hai To sabse pahle ummat e muhammadiya s A wasallam k asal wajood ko zinda karna hi hoga.

Shekh Muhammad Amir Quraishi