Mansoor

LOK SABHA 2014 SE QABL HUKUMATI KARWAAI KE LIYE AB 4 MAAH RAH GAYE HAI,N. SACCHAR AUR MISRA REPORTS K ZARIYE MUSALMANO KI BADHALI K MUFASSAL DASTAWEZ KAI BARAS QABL TAIYAR HO CHUKE HAI,N AUR USKE EZAALE KE LIYE ZAROORI EQDAAM KI NISHANDEHI BHI BAHOT PAHLE HO CHUKI HAI. HUKUMAT KE ANDAR AUR BAHAR KHOOB KHOOB TABAADLA E KHAYAL HO CHUKA . U.P.A. KE PAS KOI JAWAAZ NAHI,N BACHTA K AB BHI MUSALMANO SE SIRF WADA HI KARTI RAHE.AKHIRI MOHLAT BHI AB KHATME PAR HAI. MUSALMANO KA HAR EK KAAM KAI BARAS SE MULTAVI HOTA AA RAHA HAI. AAINDA ELECTION ME MUSLIM IN ISSUES KI JANIB U.P.A. KE RAVAIYE KO PESH E NAZAR RAKHTE HUE APNE VOTES KA ISTEMAL KARE,N ,

1: ...... MULK ME 1400 EZAAFI I.P.S. OFFICERS KI KHUSUSI TAQARRURI KE LIYE LIMITED COMPETATIVE EXAM KO KHATM KIYA JAAYE, KYUKI IS TAREEQE SE MUSALMANO KE LIYE RASTA BAND HO JATA HAI (HOME MINISTRY KI ZIMMEDARI)

2: ..... EX PRIME MINISTER INDIRA GANDHI KE ZARIYE CHIEF MINISTERS KO BHEJE GAYE MAKTOOB # 71 - PMO / 76 MARCH 26, 1976 KE MUTABIQ FAURAN KARWAI KI JAAYE

3: ....... SACCHAR COMMITTEE REPORT KE PAGE NUMBER 382 - 401 PAR UN NAAJAYEZ SARKARI QABZO,N KI TAFSEEL MAUJOOD HAI (SACCHAR COMMITTEE AUR JPC WAQF , P.M. OFFICE, MINORITY MINISTRY AUR UPA KE TAHAT TAMAM CHIEF MINISTERS)
4: ....... SKILL DEVELOPMENT KE PROGRAMME AUR DEEGAR EQTESAADI MAWAAQE K LIYE NATIONAL BUDGET ME MUSALMANO K LIYE HISSA MOAIYAN KIYA JAAYE ... DEEGAR MAAHEREEN K ZARIYE TAIYAR KI GAYI REPORT WAADE JO POORE HONA BAQI HAI (PROMISES TO KEEP) (PLANNING COMMISSION FINANCE MINISTRY KI ZIMMEDARI)

5: ...... MUSALMANO KI TARAQQI K NAZARIYE SE BANAYI JAANE WALI INFRASTRUCTURE SCHEMES AUR UNKE NEFAAZ KE LIYE ZILA YA BLOCK KE BAJAAYE DEHI ILAQO,N ME GAO,N KO AUR SHAHRI ILAQO,N ME WARDS KO UNIT BANAYA JAYE ( PLANNING COMMISSION KI ZIMMEDARI )

6: ..... WAQF BILL ME SACCHAR COMMITTEE JPC WAQF KE TAMAM SIFARISHO,N KO SHAMIL KIYA JAYE (WAZARAT E AKLEETI UMOOR KI ZIMMEDARI)

7: ........ SCEDULED CASTE (DARJ FEHRIST ZAAT ) KI TAREEF ME SE ZAAT KI QAID HATAAI JAAYE. PARLIAMENT ME EK SAADA SI QARAARDAAD PAAS KARKE 1950 KE SADAARATI FARMAN K PARA 3 KO HAZAF (DELETE) KIYA JAAYE. (SACCHAR COMMITTEE WA MISRA COMMISSION KI SIFARISH AUR WAZAARAT E QANOON KI ZIMMEDARI )

8: ....... MUSALMANO KE GHALBA WALE UN INTEKHABI HALQO,N (CONSTITUENCIES) KO JINHE SCHEDULED CASTE K LIYE RESERVE KAR DIYA GAYA HAI, UNHE RESERVATION SE AZAD KIYA JAAYE. IN BEQAAYEDGIYO KO DURUST KARNE K LIYE FAURI TAUR SE AGLA HADBANDI (SETTLEMENT) COMMISSION FAURAN TASHKEEL DIYA JAYE , JISE WAZEH HIDAYAT K SATH MOQARRARA MIYAAD ME KAAM MOKAMMAL KARNE KA ZIMMA SAUNPA JAYE. (SACCHAR COMMITTEE KI SIFARISH AUR WAZARAT E QANOON KI ZIMMEDARI )

9: ....... SARKARI AKHTIYAARAAT WALE OHDO PAR MUSALMANO KO NAAMZAD KARNE KE LIYE BAQAAYEDA TAREEQA APNAYA JAYE (SACCHAR WA MISRA COMM. KI SIFARISH AUR CABINET SECRETARY WA WAZARAT E AQALIYAT UMOOR KI ZIMMEDARI )

10: ....... AQALEETO,N K LIYE KIYE JANE WALE RESERVATION BANDOBAST ME MUSALMANO KA 67% HISSA RAKHA JAYE KYUKI MUSALMAN KUL AQALEEYAT KA 73% HAI,N. (MISRA COMM. REPORT , WAZARAT E QANOON , MINISTRY OF PERSONNEL , MINISTRY OF HUMAN RESOURCES AND DEVELOPMENT AUR WAZARAT E PARLIYAMANI UMOOR KI ZIMMEDARI)

11: ....... AQALEETO,N KE LIYE WAZEER E AZAM KA 15 NEKAATI PROGRAMME KA BUDGET BARHAKAR KUL QAUMI BUDGET KA 19% KIYA JAYE KYUKI TAMAM AQALEETE,N MAJMOOI TAUR PAR QAUMI ABADI KA 19% HAI,N (MAAHERIN KI TAJWEEZ AUR WAZARAT E AQALEETI UMOOR, PLANNING COMMISSION AUR WAZARAT E MAALIYAAT KI ZIMMEDARI )

12: ....... MADAARIS KE LIYE BANAAI GAYI SCHEME (SPQEM) KI TASH HEER URDU AUR DEEGAR ZUBANO ME KI JAYE. IS TASH HEER K LIYE HAR SAAL JARI KI JANE WALI 50 LAKH RUPAYE KI GRANT IS KAM KE LIYE ISTEMAL ME NAHI,N LAYI JATI HAI. (MINISTRY OF HUMAN RESOURCES AND DEVELOPMENT KI ZIMMEDARI)

13: ..... MADAARIS KE CERTIFICATES WA DEGREES KA SCHOOLS AUR COLLEGES KE CERTIFICATES WA DEGREES KE SATH TAALMEL BITHAANE KE LIYE MECHANISM QAAYEM KIYA JAYE (SACCHAR REPORT AUR WAZARAT E FAROGH E INSANI WASAAEL , UNIVERSITY GRANT COMMISSION, AUR NATIONAL INSTITUTE OF OPEN SCHOOLING KI ZIMMEDARI )

14 : ...... BANKS ME GAIR SOODI (WITHOUT INTEREST) MAALIYAAT KE MOTABAADIL (ALTERNATIVE) KI IJAZAT DI JAYE. IS SILSILE ME PLANNING COMMISSION KE TAREEQAKAAR ME ISLAAH KI TAJAAWEEZ K LIYE RAGHURAM RAJAN COMMITTEE KI SIFARISHAAT AHAM HAI,N UNHE NAFIZ KIYA JAYE ( PLANNING COMMISSION AUR MINISTRY OF FINANCE KI ZIMMEDARI)

15: ......... DAHSHATGARDI KE ILZAMAT ME MOQAIYAD MUSALMANO K MUQADMO KA TASFIYA KARNE KE LIYE MIYAAD BAND FAST TRACK COURT KI FAURAN TASHKEEL KI JAAYE (WAZARAT E QANOON KI ZIMMEDARI )

16: ........ DAHSHATGARDI KE ILZAMAT SE ADALAT KE ZARIYE BARI KAR DIYE JANE WALE HAR EK SHAKHS KO 50 LAKH RUPAY MOAAWEZA BATAUR HARJANA ADA KIYA JAYE (WAZARAT E DAKHLA KI ZIMMEDARI ) .... AMERICA ME IS DAAWEDARI KI RAQAM؛ INR ME 1.5CRORE HAI

17: .......... INDIAN WAQF SERVICE QAYEM KI JAYE THEEK USI TARAH JIS TARAH DIFFERENT STATES ME HINDU MANDIRO,N WAGAIRA KE INTEZAM O INSARAM K LIYE RIYASAT K QANOON KI ROO SE SENIOR OHDEDARAN KO HUKUMAT BHARTI KARTI HAI ( SACCHAR COMM REPORT , MINISTRY OF PERSONNEL AUR WAZARAT E AQALEETI OMMOR KI ZIMMEDARI )

18: .......... STATES ME CENTRAL URDU TEACHERS SCHEME KE NEFAAZ KA JAYEZA LIYA JAYE. ZYADATAR SUBO,N ME YE SCHEME NAFIZ NAHI,N HUI HAIWAHA,N USE MARKAZI MONITORING KE ZARIYE NAFIZ KARAYA JAYE ( WAZARAT FAROG E INSANI WASAAEL KI ZIMMEDARI )

19 : ........... EQUAL OPPORTUNITY COMMISSION KI TASHKEEL KI JAYE ISKI TAFSILAAT MAHIREEN KI COMMITTEE 4 SAAL PAHLE HI WAZA,A KAR CHUKI HAI. ( WAZARAT E AQALEETI OMOOR KI ZIMMEDARI )

20 : ........... SCHEMES OF INCENTIVES BASED ON DIVERSITY INDEX NAAFIZ KI JAYE ... 4 saal qabl iski bhi report mahireen ne wazeh kar di hai ( WAZARAT E AQALEETI OMOOR KI ZIMMEDARI )

21 : .......... MUSALMANO KE MAFAAD K LIYE KI JANE WALI MANSOOBABANDI AUR SCHEMES KE NEFAAZ KI NIGRAANI ME MUSLIM TABQA KO SHAMIL KIYA JAYE ( CABINET SECRETARY AUR WAZARAT E AQALEETI OMOOR KI ZIMMEDARI )

22 : ............ MUSALMANO ME SE KUCH AFRAAD KO FAYEDA PAHUCHANE KE BAJAAYE POORE MUSLIM FIRQE KO MAJMOOI TAUR SE MUSTAFEED KARNE PAR TAWAJJAH MARKOOZ KI JAYE.

DR. SYED ZAFAR MAHMOOD SAHEB BAHRAICHI KA MASHKOOR HOO,N P.M.O. DELHI

Khan Hamid Raza