"KOSHISH"

"KOSHISH"
Maine aam logo se baat ki, kuch politicians se baat ki, kuch n.g.o ke logo se baat ki, aur poochha ke kyaa aaj ke haalat yeh kehte hain ki qaum ko ek jut ho jana chahiye.? Ziyadatar logo ne yahi kaha ke haalat yahi kehte hain ke ek jut ho jana chahiye, agar bharat or qaum ki tarakki chahte ho, log sirf soch rahe the qadam uthane ki himmat nahi thi, ALL INDIA MUSLIM MAHAZ ne ek koshish shuru ki hai, or ab log mahaz ki himmat or soch ki tareef kar rahe hain, mujhe khushi hai,

(Shanu khan)

(Unity)

Sabhi Muslim leaders musalmano me ittehad (Unity) to qaayem karna chahte hai,n magar sab apne apne jhande ke neeche aur yahi apna apna jhanda ittehad me daraar daalta hai jo muslim leaders ke dil ko taqwiyat pahunchata hai aur yahi leader seena thok kar kahte hai,n k mere sath itne muslim hai,n.
Aaj hamari qaum apna rahnuma sirf isliye nahi chun paa rahi hai kyunki musalaman apne qaayed
me farishto si sifat dhoondhta hai jo namumkin hai.
Siyasat ka naam hi gandagi hai magar sabhi keechad me kamal nahi,n khila karte.

Khan Hamid Raza

ittehad ke naam per

ittehad ke naam per inteshaar kiya taajub ki baat nahi he har koi ittehad ka naraa laga raha he magar ittehad ke bajae inteshar phail raha he agar ittehad ka jazba hai tu jo loog acha kaam kar rahe hen unka sath do aap kuch na socho aap ke ustad aapke aalim aapke leader aapke qaed kis taraf hen aapke paas aqle saleem he aap khud faisla kar lo uske baad aapke qaed.leader .ulema .ustad sab aapke peeche aajaenge.

Ibrahim Aatish

> siyasat ....... >

> siyasat ....... > > TUM BEHtareen ummat ho jise nau-e-insani ki raahnumaii ke liye barpa kiya gaya hai tum neki ka hukm dete ho aur buraaiiyon se rokte ho aur allah par kamil yaqeen rakhte ho... Quran e hakeem > > Yani logon ki bhalaai ke liye kaam karna buraaiyon aur Zulm ke khilaaf sadaa-e-ehtejaaj buland karna aur zaalim ke khilaaf tab tak jadd o jahed jari rakhna jab tak wo Zulm se baaz na aa jaye ya zalim taaqaton ka safaya na ho jaye .. ye tamaam ummAt e muslima ka farz e mansabi hai aur haqiqat mein ye hi asal siyaasat hai . > aaj hum siyasat ko ek buri aur gandi shay samajhne lage hain . > Iske zimmedaar hum khud hain jab tak siyasat ka wo maqsad o mafhoom hum apne zehan o mizaaj mein dakhil nahiin karenge jo maqsad o mafhoom hame 1434 saal pahle quran o hadees ke zariye Alaah ne hame Samjhaya thA tab tak hum apne zaati mafaadaat o aghraaz ke husul mein koshan or meyar e zindigi ko buland o balaa karne mein lage rahenge.. > Khaas kAr hamara wo tabqa jo deen ki samajh rakhta hai quran o hadees ki sahi samajh rakhta hai woh tabqa siyasat ka naam sun kar hi taubah karne lagta hai.. > Quran mein Allah farmate hain ""ay eimaan walon ad'l ke qiyaam ke liye khadey ho jao aur Allah ki gawahi dene wale bano"" > hum Ad'l qayam tab hi kar sakte hain jab hamare haath mein quwwat aur ikhtiyaraat honge ,quwwat aur ikhtiyaraat miltey hain hukumat se ,hukumat ke liye siyasat laazim hai.. > maujooda daur mein hindustan mein daliton ki tahreek ek misaali haisiyat rakhti hai > ek tanha kanshi raam ne tamaam daliton ko ek banner ke niichey jama karke up jo ki mulk ka sabse bada sooba hai uski hukumat par apna qabza kar liya aur myawati ko wazir e aala ke ohde par baitha kar hazaaron saal se dabe kuchle daliton me ek fikr paida kar di jo unke duniya se rukhsat hone ke baad bhi qayam hai aaj bahujan samaj party mahaz up me hi nahii balki pure hindostan me daliton ki numainda party ki haisiyat se tasleem ki jaati hai.. > musalmano ka almiya ye hai ki hum apne liye to sochte hain ki jo karen sab thiik hai lekin hum apne raahnumaaon ki choti se choti ghalti par bhi us se badgumaan ho jaate hain unko khule aam aam laan-taan karne lagte hain.. > zaati mafadaat zaati bughz ki bina par kisi ki izzat o waqar ki dhajjiyan udaa dena hamara pasandeeda mashgala ban gaya hai... > aur hamare siyasi qayed bhi zaati mafaadaat ki khatir roz ek naya jhanda ek nayii party ke saath nazar aatey hain.. > aaj siyasi qayedon ki muslim siyasi jamaton ki kami nahiin balki siyasi qayedon mein muslim siyaasi jamaton mein islami fikr ka fuqdaan hai > hamari siyasi jamaten election se kuch pahle kuhub shor sharaba karti hain or election khatam shor khatam > Abhi 2014 mei'n parliament ke aam intekhabaat honey waley hain mulk ki diigar siyasi jamaat'on ki tarah beshumar Muslim siyasi jamaate'n bhi maidaan mei'n dikhaii dene lagii'n hain Sabko musalmano'n se hamdardi ka khair-khwahi ka dawa hai lekin koi bhi jamaat millat ke mafaad ke liye qurbani dene ko tayyar nahii'n koi bhi qayed khud ke siwa kisi ko qayed maan-ney ko tayyar nahii'n.. koi munazzam shuraaii nizaam nahiin koi mustaqbil ka programme nahiin koi kuch kehta koi kuch kehta hai > ab tak in jamaaton ne ummat mein bikhrao aur gehra karne ka kaam kiya hai > zarurat iss baat ki hai hamari tamaam siyasi jamaten or unke qayed sirf or sirf Allah or uske Habib Hazrat Muhammad .sa.wasallam ke manshoor ke mutabiq ek jamaat banayen or jiski ek aysi majlis e shura ho jis mein musalmano ke tamaam maqtab e fikr ke danishwar or siyasatdaan shareek hon.. > bihar ki imarat e shariya or deeni taleemi council ki misaal hamare saamne hai > niyat agar sahi hogi tou allah kaamyaabi se zaroor nawaza karte hain > quraan ki aur hadees ki taleemaat se doori ke sabab awaam o khawas dono hi islami siyasi fikr o shaor se nawaqif hain.. > musalmano ke tamaam masayel sirf or sirf quran o hadees ki raahnumaaii se hi hall ho sakte hain iske siwa koi dusra hall nahii hai > hum ne maujooda ravish ko hi agar jaari rakha to hamare naujawan ayse hi jhoothe ilzamaat me giraftaar hote rahenge hamari masajid ki behurmati hoti rahegj hamari muashiyat ko tabaah kiya jata rahega hamare taleemi nizaam ko bigadney ki saazishen hoti rahengj hamare shahron ko aatankwaad ka adda keh kar badnaam kiya jata rahega Hamare naujawan ba-salahiyat officers ko qat'l kiya jata rahega jaisa haal hi mei'n up ke pratap garh mein naujawan I.P.S shaheed zia-ul-haq ka qat'l kiya gaya C.O civil lines allahabad par jaan-lewa hamla kiya gaya > aur hum chai or paan ki dukaanon par sirf zubaani bahes o mubahisa mein ulajh kar aapas mein jootam paizaar kartey reh jayenge.. >

"na samjhoge tou mit jaogey ay hindostan walon
tumhari daastan tak na hogi daastanon mein"
> Allah hum sab ko Islamic siyasat ka sahi samajh ataa kare ummat mei'n ittehad ka jazba ek dusrey ke liye isaar o qurabani ka jazba paida kare ... Aameen

Shekh Muhammad Amir Quraishi

convenor ki zimmedari

convenor Saheban assalam o alaykum,

aap sabhi convenor se guzarish hai ke sabhi maslak ke logon ko is mohim ke bare me jankari dete rahen aur jo 9 kaam niche diye ja rahe hain usme se jo bhi aap se ho sake use kaar-e- khair samajh kar karte rahen.

(1) Face book par post aur comment Karen,share aur tag Karen aur jo bhi post aur comment aate hain unko padhe aur munasib jawab den.
(2) Jo bhi meeting ya sabha ho uske bare me logon ko phone Karen,e mail Karen,sms kare.
(3) Jo bhi meeting ya sabha ho uske bare me media ko likhen aur mohim ki jaankari den.
(4) Jo bhi meeting ya sabha ho uske bare me masjid madarsa walon ko likhen aur mohim ki jaankari den.
(5) Jo bhi meeting ya sabha ho uske bare me muslim samaji aur siyasi logo ko likhen aur mohim ki jaankari den.
(6) Jo bhi meeting ya sabha ho use poster,banner prakashit karke apne ilake me lagayen.
(7) Ye link logon ko dete rahen http://aimm1.blogspot.in/
(8) Logon se E mai id mangen.
(9) Apne aas-paas ke logon ko member banayen.
musalmano ko taalimi,akhlaki,siyasi,samaji aur kanuni taur par jagruk Karna aur dusre dharam ke logon ke saath milkar desh me aman,shanti kayam karna All India Muslim Mahaz Ka maqshad hai.

,Dosto is page ko join karo.

musalmano ki taalimi,akhlaki,siyasi,samaji aur kanuni  taur par jagruk Karna aur dusre dharam ke logon ke saath milkar desh me aman,shanti kayam karna All India Muslim Mahaz Ka maqshad hai.

,Dosto is page ko join karo.

http://www.facebook.com/AllIndiaMuslimMahaz

Parvin Togadya congress ki madad kar raha hai

congress ki foot dalkar hukumat karne wali policy me Parvin Togadya madad kar raha hai is liye wo hamesa hindu muslim ko ladane KI baat karta rahta hai.

Kuchh muslim neta hain jinka kahna hai ke jo Parvin Togadya karta hai wohi karenge matlab Togadya samaj me foot daal raha hai to ye bhi wahi karna chahte hain

group meeting

Dosto  assalam o alaykum, Aap log ko hamara ek sujhao hai ke koyee bada jalsa aur sabha Karen me money power, man  power aur teamwork ki bahot jiyada zarurat hoti hai. Isliye jab tak found collection ka koyee behtar source aur behtar team apne log ke pass nahi ho jati hai tab tak chhoti chhoti indoor meeting,group meeting karte rahen aur dhire dhire team banayen aur group ka dayera badhate rahen.  Muslim political party ,milli aur samajik tanzeemon ke zimmedaron se aur Social worker,patrakaron se milkar unse meeting Karen. Aap  log apni suvidha ke motabik alag alag logon se alag alag time par milte rahe,phone karte rahen,E mail karte rahen. Logon se  indoor meeting aur group meeting  ke liye aap log hafte ka ek din mokarar Karen ,aur  ek saath hokar meeting ke mokam par pahoche. Jo bhi meeting  ya mulakat hoti ho social media ke zarye samaj aur desh ko uski jankari dete rahen aur allah ke madad ka intezar Karen.

maqshad

musalmano ko siyasi aur samaji taur par jagruk Karna aur dusre dharam ke logon ke saath milkar desh me aman,shanti kayam karna All India Muslim Mahaz Ka maqshad hai

Kaise bachaye is samaj ko ?

(1)    Nakara logon ke banaye huye system ne sab ko nakara bana diya hai.

(2)    Mazlumo me madad mangne ki himmat nahi rahi.

(3)    Dhanwano aur educated logon me bolne ka sahash nahi raha.

(4)    Ulma-e-soo ke fareb me aakar ulma-e-haq ki koyee manta nahi.

(5)    Asli dharm guru ki koyee sunta nahi hai.

(6)    Kalakar ko samaj ne mazak bana rakha hai.

(7)    Be-bas aur mazboor logo me rone aur chillane ki himmat nahi rahi.

(8)    Netaon n me netrutt ki samajh nahi.

(9)    Jihad ka rukh burayee ki taraf se hatakar doosre dharam ki taraf mod diya gaya hai.

Kaise  bachaye  is  samaj  ko ?