3 % barahman me kuchh to siyasi khoobi hongi

Loktantra (zamhuriat)me 49 aur51 ka aakda kaam karta hai jiske pass 51 log honge wo lok sabha,vidhan sabh me baithkar kanun banayega, jinke paass 49 log honge wo delhi me jantar mantar aur Mumbai azad maidan par baithkar dharna andolan karega. Hindu O.B.C,tum kam se kam 43 % ho, tum tadad me sabse jiyada ho fir desh par tumhara control kyun nahi hai ? agar tum 8 % log ko apne saath lane me kamyab ho jao to desh ke lok sabha,vidhan sabh me baithkar kanun banao ge aur desh par control tum karoge. S.C . S.T tum 22 % ho, tum desh ke tadad me dusre no par ho fir desh par tumhara control kyun nahi hai ?. agar tum 29 % log ko apne saath lane me kamyab ho jao to desh ke lok sabha,vidhan sabh me baithkar kanun banao ge aur desh par control tum karoge. Musalman tum 17 % ho. tum desh ke tadad me teesre no par ho fir desh par tumhara control kyun nahi hai ? agar tum 34 % log ko apne saath lane me kamyab ho jao to desh ke lok sabha,vidhan sabh me baithkar kanun banao ge aur desh par control tum karoge. 3 % barahman  me kuchh to siyasi khoobi hongi jo logon ko apne saath lane me kamyab rahta hai aur 51 ka aakda poora kar leta hai aur lok sabha,vidhan sabha me bahith kar poore desh ko control karta hai. Hindu O.B.C. Musalman, S.C . S.T,aap log aksar zazbat aur josh me rahte ho,Jis din tum bhi zazbat ko chhodkar hosh me kaam karoge us din desh par control tumhara hoga.

swadeshi siyasi system

(1) Aaj tak kayee baar party badli,neta badle ,zanda badla magar siyasi system wahi ka wahi raha hai isliye desh me koyee badlao nahi ho paraha hai.

(2) aimm ka maqshad hai ek swadeshi siyasi system desh ke shamne lana jo abhi tak is desh me nahi ho paya ha.

(3) sabhi darmo ka adar karte huye,samvidhan ke dayere me rahte huye,kanun ka palan karte huye mojooda siyasi system ke saamne All India Muslim Mahaz ek swadeshi siyasi system desh ki janta ke shamne lana chahte hain.

Chor tax

(1)Tex  lena  desh  ka  adhikar  hai  aur  uski  jankarI  pana  har  nagrik  ka  adhikar  hai

(2)Kashmir  se  kanya  kumari  ke  beech  rahne  wala  har  nagrik,  chahe  woh  bacha  ho ,nav jawn ho,aurat ho,mard  ho,budha  ho,ya  beemar  ho,kamane  wala  ho  ya  be  rozgaar  ho,punjipati  ho  ya bhikhari  ho,in  sabhi  logo  se  alag  alag  sakal  me chori  chori  24  ghante  tax  wasoola  jaraha  hai.

(3)Desh  ke  sabhi   R.T.I. Adhikari,sabhi  Rajya  sarkar  aur  Bharat  sarkar  se  desh  ka  har  nagrik  yah  janna  chahta  hai  ke  uspar  kis  tarah  ka  kitna  tax  lagu  hota  hai ? aur  kis  sakal  me  kitna  tax  usse  wasula  ja  raha  hai ?

talwar ya banduk uthane ki zarurat nahi hai,

Desh aur qaum ko behtar banane ke liye kisi ko talwar ya banduk uthane ki zarurat nahi hai,

kisi ko jaan dene ya kisi ki jan marne ki zarurat nahi hai,

laathi uthane aur pathar marne ki zarurat nahi hai.

agar desh ke dushman aur asamajik logon se nipatne ki naubat aati hai to desh ka kanun aur desh ka hathyar uske liye kafi hai.

kuchh asaan sujhao hain jo aaj se AIMM ke banner tale kosiss suru karte hain to is kosiss ka natiza turant nazar aane lagega

(1) Kuchh logon ko zameen par paidal chalna hoga,
(2) Kuchh logon ko dhoop,thandi,barish ki takleef jhelni hogi,
(3) Kuchh logon ko safar bhi karna hoga,
(4) Kuchh logon ko logo se mulakat ka waqt bhi nikalna hoga,
(5) Kuchh logon ko bhook piyass bhi jhelni hogi,
(6) Kuchh logon ko kuchh maal bhi kharch hoga,
(7) Kuchh logon ko hafte me ek din dena hoga,
(8) Kuchh logon ko poora waqt dena hoga,

(a) mard ho ya aurat Sabhi log apna ekhlaq,apna kirdar sambhale,
(b) mard ho ya aurat Sabhi log apnana veohar sawnare,
(c) mard ho ya aurat Sabhi log ko apne kaam me imandar hon,
(d) mard ho ya aurat Sabhi log ko sangatha ki kamyabi ke liye dua kare,
(e) mard ho ya aurat Sabhi log ko is kaam ke liye kam se kam ek mahine me 10 rupya de,
(f) mard ho ya aurat Sabhi log ko kam se kam ek saal me ek din ka waqt de,
(g) mard ho ya aurat Sabhi log kam se kam ek doosre ka hausla badhayen,
Desh aur qaum ko behtar banane ke liye kisi ko talwar ya banduk uthane ki zarurat nahi hai,

Chalti hui bus mein nihayat itminan se ladki ki ismat ko taar taar karte rahe

Sunday 16December 2012 ki sham
Delhi ke fashionable ilaaqe ki sadak par ek chalti hui bus me sawaar 6darindo'n ne ek ladki aur uske boy friend ko ko nishana banaya..
Chalti hui bus mein nihayat itminan se ladki ki ismat ko taar taar karte rahe or jab ladke aur ladki ne mukhalifat karne ki koshish ki to un ko barhana karke buri tarah maar maar ke zakhmi kar diya...
Jab un darindo'n ki hawas puri ho gaii to chalti bus se ladki aur ladke ko barhana sadak par phenk diya ...
Ladki Delhi ke ek hospital me zindigi or maut se lad rahi hai..
Mahaz Delhi hi nahi pura mul'k is khauffnaak waqiye se dahal gaya..
Mukhtalif colleges universities me iske khilaf muzahire jaari hain ..
Parliament me is dard naak waqiye ki mazammat ki gaii or mujrimeen ko phansi ki saza dene ka mutalba kiya ja raha hai.
Jab bhi koi aysa dard naak waqia pesh aata hai is tarah k ehtejaaj hua karte hain Magar phir kuch roz baad sab Bhool jaatey hain .
Ayse darindo'n k liye sirf phansi ki sazaa kam hai
Is tarah ke bhayanak samaji darindo'n k liye sa'ng-saar karna hi sabse behtar sazaa hogi..
Awaam ke saamne patthar maar maar ke halaak kar diya jaye jis se dusron ko bhi ibrat hasil ho aur koi bhi aysa karne se Pahle sa'ng saar kI bhayanak sazaa ko zahen me rakhe..

Afsos ki baat ye hai rape ke muamley mein sabse aagey hamare mul'k ki rajdhani Delhi hai ..
Jahan Sabse zyada aurton ko mehfooz hona chahiye wahan sabse zyada rape or jinsi istehsaal ka shikar ho rahi hain ..
New Delhi k kisi bhi ilaaqe mein raat 9:00pm ke baad koi bhi lady akeli sadak par nahi nikal sakti..
Agar kisi majboori mein nikal bhi jaye to usko call girl samajh kar log fuhush isharey karne lagtey hain..

Sirs Muslim aksaryati ilaaqon mein ladkiyan raat mein bhi nikalney ki himmat kar sakti hain..

Jama Masjid ,Okhla ,
Selam-pur jaisey ilaaqon mein aapko khawateen riksho'n par ya paidal bhi aati jaati nazar aa jayengi..
Lekin
Lajpat nagar ,knaat palace,defense colony ,Dwarika Mayur Vihar ,Vasant Vihar Vasant kunj jaisey ilaaqon mein door door tak koi lady raat ko akeli nazar nahiin aayegi ..
Ye ek sawaal Sabse pucha jana chahiye ki ek hi shahar mein do qism ka mahaol Kyun???
Muslim ilaaqon ko hiqarat ki nazar se dekhne wale log kya bataa sakte hain Muslim ilaaqon mein itni security kaisey hai ???

Wahan to police wale bhi usii waqt dikhaii dete hain jab kisi ko giraftaar karna hota hai..

To phir kya wajah hai k Muslim ilaaqon mein rahne wali khawateen ko security ka khauff nahi hai??

Kaafi log television par muhahiso'n mein Islamic mumalik ki misaal bhi dete nazar aaye wahan rape ke waqiaat na honey ko unhoney wahan k sakht qawaneen ko sabab qaraar diya..
Lekin unsey sawaal hona chahiye ki Delhi k Muslim ilaaqon mein Islamic qawaneen bhi jaari nahi hain phir bhi Muslim bastiyo'n se iss tarah ke waaqiaat ki khabre'n Kyun nahiin aati hain??

Sirf Islamic qawaneen se mas'ala hall nahiin hoga..
Islam ne jinsi be-raah rawi rokne ke liye jo qawaneen banaye hain un sabko amal me lana hoga ...
Tab hum apni maa bahen or betiyo'n ko ek pur sukoon mahaol de payenge...

siyasi partiyo ne musalmano ke jazbaat k sath hamesha khilwad hi kiya hai

Bharat ki tamaam siyasi partiyo ne musalmano ke jazbaat k sath hamesha khilwad hi kiya hai magar samajwadi party ne jitna muslim jazbaat se khela aur musalmano ka istemaal kiya hai utna to azadi ke baad se kisi bhi siyasi party ne socha bhi na hoga.
Babari masjid ki shahaadat ko hi lijiye .... Mulayam singh Yadav ne hi Bharat ke shaantipriya hinduo ko hawa dee aur unhe lalkara . Isi muslim dushman neta ne baar baar kaha k Babari masjid ko parinda bhi parr nahi maar sakta jiska asar ye hua k inhi ki shah par BJP aur Rss ne lalkara aur khaamoshi toot gayee. Aaj taareekh k safhe se Babari masjid ko hamesha hamesh k liye mita diya gaya.
chunaao kshetro ka pareesiman bhi inhi ke daur mein hua aur planning ke tahat muslim aksariyat wale ilaaqo ko aisa taqseem kiya gaya ki kam se kam muslim MLA jeet sakein aur jahan ilaaqo ko kaat nahi paaye wahan ki seats ko SC ST ke liye reserve kar di ...... Kya ye saazish nahi hai???
2012 ke assembly election mein iss shakhs ne seena thok kar kaha tha k agar SP satta mein aayi to 6 mahine ke andar musalmano ko 18% reservation denge. Samajwadi party ne jo 6 maheene ke andar musalmano ko 18% reservation ka waada kiya tha wo kahan kho gaya.???
Kahan kho gaye SP ke muslim rahnuma jinhone 18% reservation ka khwaab dikhakar muslim votes par dakaiti daali thi. Kahan kho gaya Mulayam sigh Yadav ka wo seena jisper kabhi jazbati andaz mei use thonkar wada kiya tha????
Iss gambhir masle par Kya kar rahe hain Azam Khan saheb, kya soch rahe hain Ahmad Hasan saheb aur kya kar rahe hai Hamare Bahraich ke MLA aur cabinet mantri Dr Waqar Ahmad Shah saheb jaisi mahan hastiyaan jo muslim votes ke bade theekedaro aur saudaagaro mein shumaar kiye jaate hain.
Itni khatarnaak saazish karne walo ke sath na jaane kyun aaj bhi musalman chipka hua hai. SP ke muslim leaders zaati mafaad ke liye Musalmano k votes ka sauda SP se karte chale aa rahe hain aur hamari qaum bhend bakriyo ke maanind ek hi direction mein bagair kuch samjhe bujhe barhte chale ja rahe hain.
Waqt badal chuka hai aur jaagne ka waqt aa chuka hai. Apne aur apni aulado ke ujjawal bhavishya k liye ek palteform par aane ki zaroorat hai. Aaiye ham sab milkat AIMM ke banner tale apni siyasat apni qayadat mein karein aur apne sath Dalit, aadivasi, OBC aur other minorities ko jodkar satta mein poori hissedaari lene ka sankalp kare aur doosro ke raham o karam par jeene ki aadat se nijaat paane k liye apne haatho ko mazboot karein.

Apka Sathi

Khan Hamid Raza

20 /01/2013 ki sabha suchi

All india muslim mahaz

20 /01/2013 ki sabha suchi

First Session  ke sabha adhyakchh janab Iqbal Husain saheb.

(1)               Program ki shuruaat sare jahan se achha se hogi.

(2)               All India Muslim Mahaz ka tarruf(parichay)..

(3)               Bharat me buzregan-e-deen hazraat aur muslim hukmarano  ki tareekh aur karname.

(4)               Madarsa taalim ko kaise technical taleem se jora jaye ?.

(5)               Madarso ko university se kaise jora jaye taki madarsa taleem ke baad madarsa students bhi aage ki parhai jari rakh sake aur competitve exam me hiss le sake ?.

(6)               waqf ki garbari, waqf management par charcha,

(7)               waqf ke zariye masjido ke imam wa moazzin ki salary wa dekhbhal,

(8)               waqf board ki khasta halat me sudhar

(9)               qabristano per awaidh kabze per rok wa unki boundary

Second Session  ke sabha adhyakchh janab Afzal Memon saheb.

(10)          samajik aur siyasi taur par musalmano ko ek karne ki kosiss kis tarah honi chahye ?.

(11)          Zazbati zazbati leadership se musalmano ka kitna nafa aur kitna nukshan hua hai ?.

(12)          Jaatiwad aur maslakwad se musalmano ka kitna nafa aur kitna nukshan hua hai ?.

(13)          Musalmano ki sabhi political partion ko ek jut hone ke liye kaise raaji kiya jaye ?.

(14)          muslim nav jawano ka rajneeti aur samajniti me bhagidari kitni zaroori?

(15)          Mojuda rajneeti aur samajniti me mahilao ki hissedari kitni zaroori.

(16)          Muslim M.P.MLA. log se kaam kaise liya jaye ?.

(17)          Zamhuriat me akliyat aur aksiriat ka aakda kaam karta hai,musalmano ko kya karna chahye jis se aksiriat  ki jamat me shamil ho sake?.

Third session ke sabha adhyakchh janab Abdullah Manihar saheb

(18)          musalmano ke arthik halat per charcha.

(19)          Musalmano ke taalimi halat par charcha.

(20)          simi aur Indian Mujahideen ke naam per beja griftari kyun ?.

(21)          beqasoor giraftar naujawano per white paper prakashit kerne par charcha.

(22)          fast track court me muqadma chalaker jald se jald riha karane par charcha.

(23)          jis police adhikari ne beqasoor naujawano ko giraftar kiya farzi arop banaya aur pratarit kiya us se muawze ki raqam wasoolne ki charcha.

(24)          muslim aksariyat wale ilaaqo me pareesiman ke karan M.P. M.L.A. Ngar sevak kitna chunkar jasakte hain.

Fourth session ke sabha adhyakchh janab Ahmed ali Mansoori saheb

(25)        prastao parit karna.

(26)        Saher,jillah,states convenor ke oppiontment wa announcement

(27)        Jangan man par program ka khatma.

(28)        dhanyawad

sabha Sanchalak Ismail Batliwala.Sah sanchalak Sanchalak Irfan Shaikh,Mulla Mohammed Ali

dosto aap apna sujhao dene ki krupa karen