ZAROORAT EK INQALAB KI

PASMANDA BHARTIYA MUSLIM, ZAROORAT EK
INQALAB KI

YE MERA MAZMOON AWADHNAMA URDU
DAILY ME
SHAAYA HUA THA USE AAJ FB PAR LIKH
RAHA HOON.

HAAYE RE PASMANDA HINDUSTANI MUSALMAN TERE
HAALAAT KO QALAM BAND KARTE HUE AANKHO SE
ASHK KI JAGAH LAHOO DAAMAN KO TAR KAR DETE
HAIN. AFSOS SADD AFSOS K HAM JAB GINTIYO ME
BHARAT AAYE TO EQTEDAAR PE QAABIZ HUE AUR AAJ
TAQREEBAN 30 CRORE AABADI HONE KE BAAWAJOOD EQTEDAAR KI BAAT TO DOOR ISME HISSEDAARI BHI NA
K BARAABAR HAI. JUNG E AZADI K SHURUAAT SE
BHARAT KI AZADI TAK HAMNE APNE CHAMAN KO
LAHOO SE SEECHNE ME BHI GUREZ NA KIYA AUR YE
SILSILA JAB BHI ZAROORAT PADI JAARI RAHA BALKI
JAANISAARI K JAZBE KE SAATH APNE SARO PAR KAFAN BAANDH KAR ANGREZI HUKUMAT K KHILAAF
JUNGE LADI AUR FATEH BHI HAASIL KI. MAGAR
NAAKAAM HO GAYI UNKI QURBAANIYA JINHONE
APNI NASLO K BAHBOOD K LIYE LADAAI LADI. AAJ
AZADI KE 65 SAAL BAAD JITNA EQTESAADI, SAMAAJI
AUR ROOHANI NUQSAAN HINDUSTAN K MUSALMANO KA HUA UTNA NUQSAAN KISI BHI QAUM KA NAHI HUA
AUR IS NUQSAAN KE LIYE AGAR KOI ZIMMEDAAR BHI
HAI TO YAHI QAUM E MUSLIM HI HAI KYUNKI HAMARE
RAHNUMAAO NE BARSAR E EQTEDAAR HUKUMATO ME
NUMAAINDAGI TO KI AUR KAR BHI RAHE HAIN
MAGAR UNHONE HUKUMAT SE MUSLIM FALAAH WA BAHBOOD K LIYE QAANOONI SATAH PAR PUKHTA AUR
JAARIYA INTEZAAM NA KIYA AUR NA HI KAR RAHE
HAIN JISKA NATEEJA QAUM E MUSLIM QADAM BA
QADAM TABAAHI KI RAAH PAR GAAMZUN HAI. AGAR
EHSAS KO JAGAAYE TO SAAF HO JAYEGA K BHARAT KA
MUSALMAN PASMANDA , PICHDA AUR DOOSRE DARJE K SHAHRI KI MAANIND JEENE KO KYUN MAJBOOR HUA.
AZADI KE PAHLE HI KUCH MUSLIM RAHNUMAAO NE
ALAG MUSLIM LAND YAANI PAKISTAN KI MAANG
UTHA DEE AUR YE MAANG ITNI ZABARDAST THI K
BHARAT KI AZADI SE PAHLE PAKISTAN NE APNI
SHAKAL AKHTIYAR KAR LI MAGAR HINDI MUSALMANO KI EK BADI JAMAAT NE ISE GAWARA NA KIYA AUR
PAKISTAN JAANE SE INKAAR KAR DIYA AUR BHARAT
KO HI APNA WATAN MAANA AUR ISKI MOHABBAT ME
APNE QADMO KO YAHA KI MITTI SE JAKAD LIYA AUR
AAJTAK MAZBOOTI AUR MOHABBAT KE SATH IS MULK
SE WAABASTA HAIN MAGAR KUCH TANZEEME IS BATWAARE KO AAJTAK HAZAM NA KAR SAKEE,N AUR
UNKA BADLA BHARTIYA MUSALMANO SE LENE K LIYE
MUHIM CHALA RAHE HAIN . JISKE PUKHTA SUBOOT
AWAM KE SAAMNE MAZHABI TASAADUM, GUJARAT KA
SARKAARI DEKH REKH ME KARAYA GAYA DANGA AUR
MUSALMANO KA QATL E AAM, ISHTEAAL ANGEZ TAQREERE, MUSLIM AABAADI BARHNE PAR GAUR O
FIKR AUR ROKNE KI TADAABEER, MUSALMANO KO
DAHSHAT GARD SAABIT KARNA WAGAIRA WAGAIRA
SHAKL ME MAUJOOD HAIN. JABKI DAHSHATGARDI PAR
ISLAM KA RUKH SAAF HAI. BEKASOORO KO MAARNA ,
KISI HUJOOM KO MAARNE K SAATH APNI JAAN DENA, KHUDKUSHI KARNA NAAJAAYEZ O HARAM QARAAR
DIYA HAI. JO GUMRAAH NAUJAWAN ISME MULAUWIS
HAIN MAI YAQEEN SE KAH SAKTA HOON K WOH ISLAM
SE BEKHABAR AUR ANJAAN HAIN. ISLAM NE JAB APNI
JAAN MAARNE KA HAQ INSAN KO NAHI DIYA AUR
KHUDKUSHI KO HARAAM QARAAR DIYA FIR YE MAZHAB DOOSRO KI JAAN LENE KI IJAAZAT KAB DEGA. MUSALMANO KO AZADI KE BAAD PAHLA JHATKA
URDU SE DIYA GAYA. PANDIT NEHRU KI HUKUMAT
NEBHARAT KI ZUBANO KE MASLE PAR URDU KO
DOOSRI QAUMI ZUBAN KA BHI DARJA PASAND NA
KIYA JO K AZADI TAK BHARAT KI SARKARI ZUBAN
HUA KARTI THI. YE MUSALMANO KO HUKUMAT E HIND SE AZADI KE LIYE QURBANI DENE KA PAHLA
TOHFA MILA. DOOSRE TOHFEKI SHAKL ME BHARTIYA
HUKUMAT NE PATHAN REGIMENTKO TODKAR EK
BADE AIZAAZ SE SARFARAZ FARMAYA. SAWAL
UTHTA HAI KI KYA AZADI K BAAD BHARAT ME
PATHANO YA ASKARI QAUMO KA KHAATMA HO CHUKA THA ? KYA BHARAT ME BACHE HUE
MUSALMAN APNI SARHADO KI HIFAAZAT KE NAA
AHL THE ? YA FIR KYA YE EK SAAZISH KA HISSA
THA ? YA FIR KYA YE QAUM DYNASOR KE MAANIND
LUPT HO CHUKI THI ? ALAAWA AZEE,N IS QAUM KI
PASMANDAGI KO DOOR KARNE KE LIYE KOI MAKHSOOS INTEZAAM AAJ TAK NA KIYA GAYA.
JISKA NATEEJA TAALEEMI, SAMAAJI WA
EQTESAADI MAHAKMO ME YE QAUM SABSE PEECHHE
NAZAR AANE LAGI. MUJHE SIRF BHAROSA HI NAHI
BALKI YAQEEN HAI
KI JIS DIN IS QAUM E MUSLIM NE FIR SE TAALEEM PAR FATEH PAA LI AUR APNE HUQOOQ KI HUSOOLI
KE LIYE ILMI SATAH SE SIYASI JUNG LADNA SEEKH
LIYA USI ROZ MUSLIM MUKHAALIF TANZEEME APNA
SAR FOD LENGI AUR BHARAT KI SIYASI JAMAATE
GULAMO K MAANIND IS QAUM KI KHIDMAT KARTI
NAZAR AAYENGI. LEKIN YE SIRF KAAGZAAT KO QALAM SE GANDA KARKE MUMKIN NAHI BALKI
ISKE LIYE HAMARI QAUM MUSLIM SE UN HAZRAAT
KO UTHKAR SAAMNE AANA HOGA JO AAJ
EQTESAADI TAUR SE MAZBOOT HAIN. IS QAUM KO
MADAARIS E ARABIA AUR MASAAJID SE ZYADA
ANGREZI TECHNIQI SCHOOL, COLLEGE KHOLKAR KHIDMAAT ANJAAM DENI HONGI. TARAQQI USI
WAQT MUMKIN HAI JAB HAALAAT E HAAZIRA KI
ZAROORATO KE AIN MUTAABIQ HAM BHI CHALE
MAGAR ISKA QATAI MATLAB YE NAHI KI HAM ISLAM
AUR MAZHAB KO DARKINAAR KAR DEI,N. AKHIRI SARWAR E KAAYENAAT, NOOR E MUJASSAM
FAKHR E
DO AALAM SALLALLAHO ALAIH WASALLAM KA IRSHAD
HAI " ILM HASIL KARO CHAAHE TUMHE CHINA JANA
PADE" FALAAH O BAHBOOD AUR TARAQQI KE LIYE
TAALEEM NIHAYAT ZAROORI HAI KYUNKI HUZOOR NE JIS WAQT
YE IRSHAAD FARMAYA US WAQT TAK CHINA ME
QURAAN O ISLAM NE DASTAK NAHI DI THI. YAANI US
WAQT DUNIYAVI TAALEEM ME CHINA KO AHAM
MAQAAM HAASIL THA YANI TARAQQI WA FALAAH O
BAHBOOD KE LIYE DOOSRE FANOON PAR MAHAARAT HAASIL KARNA BHI AIN ISLAM HAI SHART YE K GHAIR
SHARAI NA HO. AAJ MUSALMANO KI SABSE BADI
MUSHKIL YE HAI KIS
QAUM KA KOI RAHNUMA NAHI , KOI QAAYED NAHI.
YAHI BIKHRAO ZILLAT BHARI ZINDAGI KA SABAB HAI.
TAQREEBAN 30 CRORE MUSALMANO KO AAJ EK ADAD RAHNUMA, EK ADAD QAAYED KI TALAASH HAI JO
TAMAM APSI BATWARO KO CHHORKAR SIRF AUR SIRF
MUSLIM FALAAH KE LIYE AAGE AAYE. AAJ QAUM E
MUSLIM SE AGAR KOI LEADER BANKAR UTHTA HAI TO
WAH KISI NA KISI SIYASI JAMAAT SE JUD KAR ZAATI
AUR PARTY KE MAFAAD ME LAG JATA HAI AUR WAHI SE QAUM K BAARE ME FIKR BAND HO JATI HAI. YAHI
WAJAH HAI K IS QAUM ME JITNA BATWARA HAI
SHAAYED HI KISI QAUM ME HO. AGAR HAM AAJ EK HOTE
TO BHARAT KI SIYASI PARTIYA,N HAMSE SAMJHAUTA
KARTI WOH BHI HAMARI SHARAAYET PAR AUR
HUKUMAT HAMARA ABADI K TANAASUB SE HISSA HOTA. HAR MAHAKMA FIR MUSALMANO SE GULZAAR
HOTA , HAR SIMT IS QAUM ME TARAQQI HOTI. KAASH
HAM EK HOTE EK MAQSAD K SATH. HAME SEEKH AUR
SABAQ LENA CHAHIYE S.C. , S.T. QAUMO SE JIKA
QQAYED BHI HAI, RAHNUMA BHI HAI, HISSEDAARI BHI
HAI AUR HUKUMAT BHI. ZAROORAT HAI K QAUM E MUSLIM MUTTAHID HO AUR
MUTTAHID HOKAR EK AISI TANZEEM KA KHAAKA
TAIYAR KAREIN JISKE ZARIYE KUL HIND AUR SUBAAI
SATAH PAR EK AISI SIYASI JUNG KA AAGAAZ HO JO
HUKUMAT SE APNE HUQOOQ KI TALABGAAR HO MAGAR
SAABIT QADMI KE SAATH. HUQOOQ KI SIYASI JUNG LADNE KA HAME QAANOONI, HAQEEQI AUR
PAIDAAISHI HAQ HAASIL HAI. QAUM E MUSLIM KO
APNE ZEHAN SE NIKAAL DENA CHAHIYE K BAGAIR
AWAZ BULAND KIYE HAMARI HUKUMATEIN APNI
JAANIB SE KOI QANOONI SHAKAL ME HAMARI QAUM
KO FAAYEDA pahunchaayengi .HAME APNI QAUM K KHUSHNUMA MUSTAQBIL K LIYE KHUD APNI ZAAT SE
AAGE AANA HOGA NA K SIRF DAAMAN FAILAKAR EK
FAQEER KI MAANIND SADAK K KINAARE AAS
LAGAAYE BAITHE RAHNE SE. RAJASTHAN KE GUJJAR
MISAAL HAIN JO KI MUTTHI BHAR HONE KE
BAAWAJOOD HUKUMAT KO JHUKNE KE LIYE MAJBOOR KAR DIYA. AUR TASAWWUR KIJIYE K QAUM E MUSLIM
30 CRORE HOKAR BHI KHAAMOSH , MURDAA..... AFSOS
SAD AFSOS AAIYE AHAD KAREIN K AANE WALI SUBAH
EK
INQALABI SUBAH HO JO SIYASI GALIYAARO ME
HUNGAMA BAPAA KAR DE K YE ASKARI QAUM FIR SE JAAG UTHI APNE HUQOOQ KI SIYASI JUNG KE LIYE.
¤
CHAAK KAR DI TURK E NAADAA,N NE KHELAAFAT KI
QABA ¤

YA ILAHI

¤ SAADGI MUSLIM KI DE AURO KI
AIYAARI BHI DE ¤

DUAAO KA TAALIB

KHAN HAMID
RAZA ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
¤¤¤¤¤ ¤¤¤¤¤¤¤¤¤¤¤¤

Top of Form

Unlike ·

Bottom of Form